Kolorez jantzi dute Loiola, jaien hasieran
![Holi festa Loiolan](https://irutxulo.hitza.eus/site/files/2024/07/image00004-copia.jpeg)
Jaietan murgilduta dago Loiola, atzo arratsaldetik. 18:30ean bota zuten txupinazoa, eta jarraian, Holi festarekin gozatzeko aukera izan zuten auzoan. Koloretako hautsek auzotarren arropak eta ilea margotu zituzten, eta giro ederrean aritu ziren denak jaiei hasiera ematen.
Buruhandiak ere ibili ziren auzoan jendearen atzetik korrika, erraldoiek Burrunba elektrotxarangarekin dantza egiten zuten bitartean. Musikari jarraipena Sardexka tabernako Dj festak eman zion, eta gauean, kontzertu sorta izan zuten plazan: Xsakara, Alarma Morea, Ganibet eta N-Lezz DJ-a.
Asteazkenera arte egitarau zabala prestatu du auzoko Jai Batzordeak. Gaur, besteak beste, kuadrillen bazkaria eta kuadrillolinpiadak egingo dituzte, eta gauean, erromeria eta DJ saioak izango dira.