Bi gizon atxilotu dituzte bart Parte Zaharrean, kristalezko botilekin elkar erasotzeagatik
Donostiako kale nagusia.Xalba Ramirez 
Bi gizon atxilotu dituzte bart, Parte Zaharrean, kristalezko botilak erabilita elkar erasotzeagatik. Ertzaintzak adierazi duenez, 23:05ak aldera gertatu zen, Kale Nagusian. Liskarrak odol arrastu ugari utzi zituen kalean.
Sare sozialen bidez egin da ezaguna gertakaria, turista batek grabatutako bideo batengatik. Bertan ikusi daitezke bi gizonak borrokan, jendea inguruan dutela. Ertzaintzak baieztatu du bi gizonak atxilotu zituztela, eta biak pasako direla epailearen aurretik.
