Hilik aurkitu dute Tximistarrin desagertutako gizona
Larunbatean desagertu zen, eta ordutik ari ziren haren bila. Lekuko baten arabera, uretara sartzen ikusi zuten, baina ezin izan zuen kanpora atera.
Igeldoko Tximistarri zonaldea. 
Guardia Zibilaren itsas zerbitzuak Igeldoko Tximistarri kalako uretan desagertutako bainulariaren gorpua berreskuratu du asteazken honetan.
Guardia Zibilak jakinarazi duenez, gaur goizean kirol ontzi batek jakinarazi du gorpu bat ur gainean ikusi dutela, bilaketa egiten ari ziren gunetik gertu. Itsas zerbitzuak aurkikuntza baieztatu eta gorpua berreskuratu du.
Lekukoek joan den larunbateko 18:00ak aldera jakinarazi zutenez, gizon bat uretan sartu zen Igeldoko Tximistarri kalan, eta ezin izan zuen atera.
Besteak beste, Ertzaintzako, Gurutze Gorriko, Guardia Zibileko eta Itsas Salbamenduko agenteek parte hartu dute bilaketa lanetan, eta asteburutik asteazken honetara arte iraun du
