200 semaforo akustiko berri jarriko dituzte Donostian
Hirian 200 semaforo akustiko berri jartzea erabaki du Donostiako Udaleko Mugikortasun Sailak, ikusmen urritasuna duten herritarren segurtasuna hobetzeko asmoz. 142.000 eurokoa da aurrekontua.
Urtarriletik aurrera hasiko dira semaforo akustiko berri horiek jartzen. Sakelako telefonoaren bluetooth sistemaren edo ikusmen arazoak dituzten urrutiko aginteen bidez aktibatu ahal izango dira. Sistema eragilea oinezkoaren seinalearen modulu berdearen barruan integratuko da, eta, beraz, kanpotik ez da hautemango.
Semaforo akustiko berriak hiriko oinezkoen ehun bat pasagunetan jarriko dituzte –binaka jarriko dituzte–, eta gaur egun Donostian banatuta dauden mota horretako 290 elementuei gehituko zaizkie.
Pasblue sistema erabiltzen dute semaforo berri horiek, eta hainbat maiztasun tonu dituzte oinezkoei errepidea gurutzatzea errazteko: lehen orientazio tonu bat, igarobidera hurbiltzeko eta kokatzeko, igarotze tonu bat gurutzatzen hasteko, eta fase berdearen amaiera tonu bat.
