Elkarretaratzera deitu dute Egian, Bilboko hilketa matxista salatzeko
Donostiako Asanblada Feministak eraso matxistak salatzeko egindako elkarretaratze bat. 
Euskal Herriko Emakumeon Mundu martxak taldeak elkarretaratzera deitu du Plaza Haundin, Egian, arratsaldeko seietan, Bilboko hilketa matxista salatzeko. Donostiako ekintzaz gain, Bilbon, Urruñan, Gasteizen eta Iruñean bilduko dira feministak, eta mobilizazio gehiago iragarri dituzte herriz herri. Sare sozialetan zabaldutako deialdian, kaleak hartzera animatu dituzte, eraso ororen aurrean, autodefentsarekin armatzeko.
Lau emakume, 2024an
Duela bi egun gizonezko batek bere emakume bat hil zuen Bilboko Santutxu auzoan, eta hiltzailea haren bikotekidea delakoan, atxilotu egin zuen, Eusko Jaurlaritzako Segurtasun Sailak jakitera eman zuenez. Bikotekidea bizi zen etxean gertatu zen hilketa: entzuten ziren oihu eta zarataren ondorioz, bizilagunek larrialdi zerbitzuetara deitu zuten, baina zerbitzuok iristerako, arma zuriz zaurituta topatu zuten 31 urteko emakumea. Lau emakume erail ditu indarkeria matxistak 2024an, Euskal Herrian.
