Santi Cocaren familiak Fiskaltzaren esku utzi du akusazioa hurrengo epaiketan
Gipuzkoako lurralde auzitegia. 
Santi Cocaren familiak Fiskaltzaren eta Donostiako Udalak egiten duen herri-akzioaren esku utzi ditu akusazio lanak, datorren azaroan Gipuzkoako Auzitegian egingo den epaiketarako. Izan ere, Efe agentziak eskuratu duen dokumentu batean, 2019ko apirilaren 26an Donostiako diskoteka baten kanpoaldean jipoia jaso eta egun batzuetara ospitalean hildako 17 urteko adingabearen familiak uko egin dio prozesu horretan akusazio partikularra egiten jarraitzeari.
Testuak zehazten duenez, erabaki hori “familia osoaren nekearen ondorio da, hain prozedura luze eta mingarriaren ondorioa, eta Fiskaltzak eta herri-akzioak akusatu bakarraren aurkako akusazioa egingo dutela espero dugu, justizia egin dadin”.
Santi Coca adingabearen heriotzagatik akusatutako gaztearen aurkako epaiketa azaroan izango da. Akusatuak Frantziara ihes egin zuen, eta ezin izan zuten gainerako auzipetuekin batera epaitu.
Gazte horrentzat hogei urteko espetxe zigorra eskatu dute, ustez Donostia eta Reozin artean (Kantabria, Espainia) bizi zen Santi Cocari hainbat pertsonek emandako jipoian parte hartzeagatik.
