Musika
Lie Detectors taldeak 'Masaje uzbeko' abestiaren bideoklipa estreinatu du
Lan berria argitaratu du Lie Detectors rock talde donostiarrak. Single bikoitza da plazaratu dutena: Masaje uzbeko/666 eta Todo se rompe/Golpe de suerte. Abestiak sarean entzungai jartzearekin batera, Masaje uzbeko kantaren bideoklipa estreinatu dute.
A. M. Iribarren da bideokliparen zuzendaria. Aldiz, Circo Perrotti estudioan grabatu dute lan berria, Jorge Explosion soinu ingeniariaren gidaritzapean.
Bost musikari hauek osatzen dute Lie Detectors: Urko Roa (bateria), Aitor Castillo Txiki (baxua eta koroak), Eneko Etxeandia (gitarra eta koroak), Txema Babon (ahotsa eta marakak) eta Alvaro Turrion (teklatua).
