Udalak hamasei etxebizitza jarriko ditu eskuragarri Ekinn programako gazteentzat
Talentu berrien ekintzailetza bultzatzeko asmotan, Donostia Sustapenaren Ekinn programa bultzatuko du udalak.
Ekinn programaren egoitza. Donostia Sustapena 
Donostiako Udalak hamasei apartamentu jarriko ditu Ekinn eta Talent House eraikinetan, Donostiako gazteentzat, ekintzaileentzat edo tokiko enpresa berritzaileek kontratatutakoentzat. Sei hilabetetik bi urtera bitarte bizi ahal izango dira bertan.
Ane Oyarbide Ekonomia eta Tokiko Enpleguko zinegotziak Ekinn egoitzen programaren edizio berri bat aurkeztu du, Donostia Sustapenak bultzatuta, hirian “talentu gaztea erakartzeko eta mantentzeko” helburuarekin.
Programa horretan parte hartu nahi dutenek motibazio-gutun bat aurkeztu beharko dute, 35 urte baino gutxiago izan beharko dituzte eta jaiotzagatik Donostiarekin lotuta egon beharko dute. Era berean, azken 15 urteetan hirian erroldatuta egon beharko dute, hiriko fakultate edota unibertsitate-eskoletako batean titulazio ofiziala izan beharko dute eta azken 10 urteetan erroldatuta egon beharko dute.
Ekintzaile gazteek 1 eta 2 urte bitartean hartu ahal izango dute ostatu, eta tokiko enpresek kontratatutakoek, 6 hilabete eta 2 urte bitartean, alokairuan % 30 eta % 60 bitarteko hobariekin.
