Tren bat bidetik atera da Martutene eta Hernani artean
Okendoegin bidetik atera den trena.Olatz Balda 
Renferen aldirietako tren bat bidetik atera da Martutene eta Hernani artean, Okendotegi 141. zenbakiaren inguruan. Udaleko iturrien arabera, ez dago zauriturik, eta bidaiariek denbora pasatu behar izan dute tren barruan. Zehazki, 117 bidaiariak trenetik atera dituzte, eta hainbat autobusetan eraman dituzte zegokien helmugara.
Bidetik atera den trena, bidaiaririk gabe.Olatz Balda
Irundik Brinkolara bitarteko ibilbidea egiten ari zen trena, eta 10:32 inguruan aipaturiko lekuan bagoietako bat errailetik atera da. Horren aurrean, bidaiarik trenaren aurreneko bagoira eraman dituzte, errailetik atera den bagoia askatuta bidea jarraitzeko. Ordea, aukera hori baztertzea erabaki dute Renfeko arduradunek. Azkenik, bidaiariak Martuteneko geltoki batera eraman eta autobusetan sartu dituzte.
