'Asgarth Zuzenean' disko bikoitza argitaratuko dute añorgatarrek
Asgarth boskotea.Begipuntuan 
Ostiralean, hilaren 29an, Añorgako Asgarth taldeak Asgarth Zuzenean disko bikoitza plazaratuko du Elkar argitaletxearekin. 2022ko maiatzaren 28an Añorgako Zinema Zaharrean eskaini zuten kontzertua jasotzen du lanak. 20 abesti izango ditu zuzeneko diskoak, eta plataforma digitaletan entzungai jarriko dute. Haritz Harreguy teknikariak nahastu du.
“15 urteko etenaldiaren ostean, taldearen itzulera eta ibilbide osoko kantak indarberrituta entzuteko aukera da”, adierazi du taldeak. “Zuzenekoaren asmoa da garai bateko zaleentzako oroigarri gozoa eta jarraitzaile berrientzako ate berri bat izatea”, gaineratu dute.
Bestalde, 25 urte bete ditu añorgatarren Jainkoen egoitza lehen diskoak. Hori dela eta, emanaldi berezi bat prestatu dute zaleekin ospatzeko. Abenduaren 14an izango da, Egiako Dabadaba aretoan. Sarrera guztiak agortuta daude.
