Altzako santomasak abenduaren 14an ospatuko dituzte
Altzako santomasak, 2023an.Olatz Balda 
San Tomas eguna abenduaren 21ean ospatzen da, baina hainbat lekutan aurreratu egiten dute. Esaterako, Altzan, hilaren 14an egingo dute. Altzania kultur elkarteak egun osoko egitaraua prestatu du, Larratxoko Josu Artetxe plazan.
- 09:30. Diana, musika eskolako trikitilariekin.
- 10:00. Azokaren irekiera. Altzako sasoiko produktu ekologikoen salmenta zuzena. Talo, txistorra eta bestelako postuak jarriko dituzte Altzako elkarte eta eragileek.
- 11:00. Haurrentzako jolasak, Asuncion ikastetxean.
- 12:00. Ehiztari ehizatua antzerki emanaldia, Patata Tropikala konpainiaren eskutik. Euria eginez gero, Larratxoko eskolan egingo dute.
- 13:00. Euskal dantzak Herri Ametsa ikastolako dantzarien eskutik.
- 13:30. Omenaldia eta aitortza Pako auzotarrari.
- 14:30. Bazkaria Altzania elkartean: babarrunak, postrea, kafea eta kopa. 20 euro balio ditu, eta izena emateko telefonoa hau da: 629 04 15 08.
- 20:00. Zarratak taldearen kontzertua, Altzania elkartean.
