Gabonetan adinekoen egoitzak alaituko ditu Lagunkoia kontzertu zikloak
Lagunkoia kontzertu zikloa.Donostia Lagunkoia 
Donostiako Udalaren Musika eta Dantza Eskolak, Donostiako Udalaren Donostia Lagunkoia programarekin elkarlanean, Lagunkoia kontzertu zikloa antolatu du. Egitasmo honekin urteak daramatzate Gabonetan adinekoen egoitzak musikaz eta alaitasunez betetzen. Hilaren 9tik 20ra bitarte hemezortzi emanaldi egingo dituzte.
Lagunkoia zikloari harrera ona egin diote beti zentroek eta bertako egoiliarrek, eta urtero gogo biziz espero dituzte emanaldiak. Oraingoan, iaz baino bi egoitza gehiagorekin, arteak, bizikidetzak eta afektuak bat egiteko espazioak sortzearen garrantzia erakusten du programak, hiriko adinekoen egunerokotasuna aberasteko.
Arratsaldero, 17:30etik aurrera, Donostiako Udalaren Musika eta Dantza Eskolako ikasleek 45 minutuko emanaldiak eskainiko dituzte, adinekoen gustu eta nahietara egokituta. Arreta handiz diseinatutako egitarauak trikitia eta panderoa, gitarra, saxofoia, klarinetea eta piano piezak eta dantza klasikoko eta orkestrako emanaldiak biltzen ditu, besteak beste. Askotariko errepertorio honekin eta egoiliarren gozamenerako pentsatuta, Eskolak Gabonetako magia transmititu eta belaunaldien arteko harremanak estutu nahi ditu musikaren eta dantzaren bidez.
Egutegia
- Abenduak 9. Trikiti eta pandero emanaldia, Gurutze Gorriaren zentro soziosanitarioan.
- Abenduak 11. Trikiti eta pandero emanaldia, Hermano Garate zentroan.
- Abenduak 12. Klarinete emanaldia, Berion.
- Abenduak 12. Trikiti eta pandero emanaldia, Lugaritzen.
- Abenduak 13. Trikiti eta pandero emanaldia, Alai Etxe zentroan.
- Abenduak 16. Gitarra emanaldia, Bermingham kaleko egoitzan.
- Abenduak 17. Piano emanaldia, Domus Berra zentroan.
- Abenduak 17. Orkestra emanaldia, Zorroaga Fundazioan.
- Abenduak 17. Zeharkako flauta emanaldia, Lamourous zentroan.
- Abenduak 18. Akordeioi emanaldia, Aita-Etxe zentroan.
- Abenduak 18. Gitarra, biolin eta flauta emanaldia, Txara II egoitzan.
- Abenduak 18. Saxofoi emanaldia, Matia fundazioaren IZA zentroan.
- Abenduak 18. Saxofoi emanaldia, San Rafael Fundazioan.
- Abenduak 19. Gitarra emanaldia, Aldakoenean.
- Abenduak 19. Akordeoi emanaldia, DomusVi Villa Sacramento zentroan.
- Abenduak 20. Saxofoi emanaldia, San Ignacio klinikan.
- Abenduak 20. Ganbera musika emanaldia, Ballesol Easo egoitzan.
- Abenduak 20. Dantza klasikoaren emanaldia, San Jose de la Montaña zentroan.
