Santa Ageda

Santa Ageda bezperako koplak abestuko dituzte auzo ugaritan

2025/02/04

Santa Ageda bezpera dugu gaurkoa (hilak 4) eta, urteroko legez, santa eskean ibiliko dira Donostiako auzo eta herri ugaritan. Tradizioari eutsiz, baserritarrez jantzi eta santa eskean ibiliko dira, Santa Ageda bezperako koplak abestuz eta makilarekin lurra joz. Jarraian, auzoz auzoko deialdiak kontsultatu ditzakezue:

Intxaurrondo: 19:00etan abiatuko dira, Haizalde elkartetik.
Egia: Arrano elkartetik abiatuko dira, 18:00etan.
Altza: Bi talde arituko dira koplak abesten: alde batetik, Bizarrain euskara elkarteak eta Altzako bertso eskolak antolatuta, 19:00etan abiatuko dira, San Martzial plazatik. Bestetik, Altza Kantuz taldekoak baserriz baserri arituko dira santa eskean, 17:00etan Casares Kultur Etxearen aurreko plazatik abiatuta.
Loiolako Erribera: Erribertxo Kultur Elkarteak antolatuta 18:30ean aterako dira, Santiago plazatik.
Añorga: Erratz Añorgako bertso eskolaren eskutik, larunbatean arituko dira santa eskean, hilaren 8an, 15:00etan Jolas Etxetik abiatuta.
Aiete: Aiete Kultur eta Kirol Elkarteak antolatuta, 18:00etan hasiko dira, Jolastokitik abiatuta.
Herrera: 19:00ean aterako dira koplak abestera, San Luis Gonzaga plazatik abiatuta.
Igeldo: Igeldoko jubilatuek antolatuta, 15:30ean abiatuko dira, herriko eskolatik.
Parte Zaharra: Kresala elkarteak antolatuta, 19:30ean abiatuko dira, Kresala elkartetik bertatik.
Gros: Donosti Ereski abesbatzak antolatuta, Santa Ageda bezperako koplak abestuko dituzte Grosen, 19:00etan Karkizano kaleko 2. zenbakitik abiatuta.
Antigua: Antiguotarrak elkarteren eskutik, santa eskean ariko dira, 19:30ean elkartetik abiatuta.
Amara Berri: Ikasbide elkarteak antolatuta, 19:00etan abiatuko dira, elkartetik bertatik.
Amara: Donosti Berri elkarteak antolatuta, 18:30ean abiatuko dira, elkartetik bertatik.
Zubieta: 16:30ean abiatuta, Zubieta Gurdirock taldeak antolatuta, herrian barrena ibiliko dira