Kontxako barandaren azken zatia berritzeko unea iritsi da
Kontxako baranda.Donostiako Udala 
Donostiako Udalak urte bukaerarako aurreikusten du Kontxako pasealekuko baranda berritzeko lanak amaitzea. Errege etxearen eta Antiguako tunelaren arteko zatia da falta dena, eta lan horien kontratazio espedientea onartu du udalak. 989.373 eurokoa da aurrekontua, eta lanak egiteko epea zortzi hilabetekoa.
Baranda eta harrizko piezak berrituko dituzte, baita Kontxako pasealekuaren zabalera osoan zoladura berrezarri ere, aipaturiko eremuaren eta Eguzki elkartearen eraikinaren arteko inguruan.
