kaldereroak

Antiguako kaldereroak, iruditan

2025/02/16

Antiguan ere kaldereroen zartagin eta mailuen hotsek ez dute atsedenik hartu asteburu honetan. Ostiralean (hilak 14), Jakintza ikastetxeko haur hezkuntzako haurrak Antiguako kaleetatik ibili ziren, 15:00etatik 16:30era, Erregezaintza kaletik abiatuta. Eta hurrengo egunean, larunbatean, helduen txanda izan zen. 20:30etik 23:30era, auzoan barrena aritu ziren, Bentaberriko kiroldegitik abiatuta.

Eguraldia lagun, giro bikaina izan zuten larunbatean, eta lagun asko animatu ziren kaldereroz jantzi, eta zartaginak eta mailuak kalera ateratzera, Antigua girotzeko asmoz. Antiguako kaldereroek ere beraien erregina izan zuten damez lagunduta, irudietan ikus daitezkeenez: