Urrezko Kirol Txartela jaso dute iazko kirolari donostiar esanguratsuek
2024ko Urrezko Kirol Txartelaren ekitaldiko familia argazkia.Donostiako Udala Donostia Kirolak Urrezko Kirol Txartelaren ekitaldia egin zuen atzo arratsaldean, udaletxeko udal batzar aretoan. 2024an kirol diziplinetan gehien nabarmendu ziren hiriko kirolariak saritu zituzten. Hain zuzen ere, udalak adierazi du kirolari sarituen errekorra gainditu dela. 2025. urte osoan Kirol Txartela doan izango dute sarituek. Horri esker, 140 kirolarik baino gehiagok izango dute abantaila hori.
Aurten, 79 Urrezko Kirol Txartel banatu dituzte. Horietatik 75 kirolarik lortu zuten iaz Espainiako txapelketetan podiumera igotzea edo nazioarteko lehiaketetan parte hartu zuten banakako kirolariei; hala nola, Europako edo munduko txapelketetan. Era berean, lau kirolarik irabazi zuten Espainiako txapelketa bat, hainbat taldek euren diziplinako kopa eskuratu zuten, eta beraien kategoriako ligetan lehen postuan bukatu zuten hainbat taldek. Donostia Kirolak nabarmendu du kirol mota desberdinetan lortu dituztela donostiarrek aipaturiko lorpenak. Guztira, 27 kirol diziplina daude zerrendan.
Emakumeen hazkundea
Donostia Kirolak emakume kirolarien hazkundea nabarmendu du, eta atzoko ekitaldian presentzia esanguratsua izan zuten. Izan ere, banakako kirolarien eta saritutako taldeetako kideen artean, emakume kirolariak %66 dira. “Hirian emakumezkoen kirolak duen garrantziaren isla da”, adierazi zuten.
Bestalde, kirol egokituak gero eta protagonismo handiagoa duela esan zuten. Sarituen artean, kirol egokituko zortzi modalitatetako hemezortzi kirolari daude. Ekitaldian aipamen berezia egin diete Parisko Paralinpiar Jokoetan parte hartu zuten lau kirolariei.
