San Rokeko arrapala gutxienez hilabete egongo da geldirik
San Rokeko arrapala mekanikoaDonostiako Udala Martxoaren 10ean hasiko dira San Rokeko eskailera eta arrapala mekanikoak konpontzeko eta osagai batzuk ordezkatzeko lanak. Zehazki, lehen arrapalan (158 metro luze) maila katea, ardatz hutsa eta sistema berrituko dituzte. Bigarren aldapan (135 metroko luzera), berriz, maila katea ordezkatuko dute ere, eta ardatz hutsean lan egingo dute.
Donostiako Udaleko Hiri Mantentze eta Zerbitzuetako zinegotzi Carlos Garciaren arabera, “lan hauek guztiak elementu mekanikoen iraupena luzatzeko egiten dira, eta horrela, eguneroko erabiltzaileen segurtasuna hobetzea lortzen da”.
Obrak bost aste inguru iraungo du, eta bitartean arrapalak erabilgarri egongo ez direla jakinarazi dute. Lan hauen kostua 154.275 eurokoa da (BEZa barne).
