Dantza garaikidea eta sormena Kontadoresen
Martxoaren 22an, Donostiako Musika eta Dantza Eskolako ikasleek dantza garaikidearen erakustaldi bat eskainiko dute, sormen eta adierazpen artistikoaren bidez.
Kontadores Gazte Zentroa sormen eta adierazpen artistikoaren agertoki bihurtuko da martxoaren 22an.Donostia Eskola Martxoaren 22an, 19:00etan, Bidebietako Kontadores Gazte Zentroak dantza garaikidearen erakusketa bat hartuko du, Donostiako Musika eta Dantza Eskolako ikasleen eskutik. Ikasleek beren sorkuntzak aurkeztuko dituzte, hilabeteetako lana eta arte esperimentazioa oinarri.
Maddi Muñoz eta Marta Ortega irakasleen gidaritzapean, ikasleek mugimendu eta adierazpenekin esperimentatu dute. Hainbat koreografia, kolektiboaren ahalegina eta lehenengo aldiz publikoarekin partekatuko dituzte beren sentimenduak eta ikuspegia mugimenduaren bidez.
Sorkuntza artistikoa baino askoz gehiago izan da, teknika landu baino, tresna eraldatzaile gisa erabili dute norbera garatzeko. Prozesu honetan, ikasleek beren konfiantza indartu dute, horizonte sortzaileak zabaldu dituzte eta adierazpen modu berriak esploratu dituzte, etorkizuneko erronka artistikoetara modu seguruagoan aurre egiteko.
Erakusketa honek ez du soilik sortzaile berrien talentua erakutsiko, ikuspegi paregabea eskainiko du baita ere, musika, dantza eta emozioaren arteko nahasketa bat. Amaieran, solasaldi ireki bat egingo dute, eta bertan ikusleek artistarekin hitz egiteko aukera izango dute, galdetzeko eta sorkuntza prozesuaren xehetasunak aztertzeko.
