'Amets hegalariak'-en estreinaldia, ostiralean Aquariumean
Arrate Fernandez zinemagilearen film laburra estreinatuko dute ostiralean (hilak 7) Donostian. 'Bullying'-aren eta suizidioaren gaiak jorratzen ditu obrak, besteak beste.
'Amets Hegalariak' filmeko fotograma bat.'Amets Hegalariak' 
Iazko irailean Le Bukowski tabernan aurkeztu ostean, gaur egingo dute Arrate Fernandez Itxaso zinemagilearen Amets Hegalariak film laburraren estreinaldia, Aquariumean: 19:00etan izango da, eta ametshegalariak@gmail.com helbidera idatzita eskatu behar dira gonbidapenak.
Fikziozko istorio batetik tiraka ondu du lana Fernandezen, hainbat pertsonaien arteko harremanak eta beraien joan-etorri emozionalak kontatuz, tartean, bullying-aren eta suizidioaren gaiak jorratuta, modu gordinean.
Hainbat aktore ezagunek hartu dute parte filmean, hala nola, Amaia Irazabalek, Amaia Ruiz de Galarretak, Jon Plazaolak eta Arkaitz Gartziandiak. Bestalde, modelo gisa agertzen dira Amaia Lizarralde, Olatz Beobide, Belen Cruz, Dorleta Urretabizkia, Nova, Maikee eta Leire Zinkunegi, Tytti Thusberg moda diseinatzaileren laguntzarekin.
