Ate irekien eguna ospatuko dute larunbatean Donostiako Suhiltzaileen Parkean
Herritar ugari, suhiltzaileen parkean. Donostiako Udala Donostiako Udal Suhiltzaileen Parkeak ateak irekiko ditu herritarrentzat datorren larunbatean, martxoaren 8an, suhiltzaileen patroiaren eguna dela eta. 10:00etatik 13:00etara izango da, eta bisita ahalik eta gehien errazteko, parkean ordubete baino gehiago ez egotea eskatu dute.
Jardunaldian zehar, haur eta helduentzat, dibulgaziozko eta prebentziozko tailerrak antolatu dituzte larrialdietan nola jardun behar den azaltzeko, eta suhiltzaileen lanbidea eta eguneroko lana ezagutarazteko hainbat maniobra egingo dituzte.
Dbus lineak
Suhiltzaile parkera ezin da autoz edo ibilgailu partikularrez sartu, beraz, oinez edo autobusez Garberatik joatea gomendatu dute. Linea hauek suhiltzaileen parketik gertu dituzte geltokiak, zehazki, kokaleku hauetan:
- 9. Egia-Intxaurrondo: irteera Bulebarretik eta Egia pasatu ondoren, Buztintxulo kalean du gertuen dagoen geralekua.
- 29. Hego Intxaurrondo: irteera Boulevardetik eta Gros eta Ategorrieta pasatu ondoren, Buztintxulo kalean du gertuen dagoen geralekua.
- 33. Larratxo-Intxaurrondo-Berio: Igaratik aterata Antigua, Erdialdea eta Gros igaro ondoren, Otxoki pasealekuan du gertuen dagoen geralekua.
- 33. Larratxo-Intxaurrondo-Berio: Larratxotik, Otxoki pasealekuan du gertuen dagoen geralekua.
- 24. Altza-Gros-Antiguo-Intxaurrondo: Antiguatik Amara, Loiola eta Egia pasatu ondoren, Otxoki pasealekuan du gertuen dagoen geralekua.
- 27. Altza-Intxaurrondo-Antiguo-Gros: Antiguatik Amara, Gros, Herrera, Altza eta Larratxo pasatu ondoren, Otxoki pasealekuan du gertuen dagoen geralekua.
Donostia Ospitalera bisita
Martxoaren 7an, arratsaldean, suhiltzaileen parkeko langile batzuk Donostia Ospitaleko ama-haurrentzako eraikina eta psikiatriako sailetan ingresatuta dauden haurrak bisitatzera joango dira.
