Dbus munduko txartel sistema onena duen garraio sistema gisa aukeratu dute
Olatz Yarza, Mugikortasun eta Garraio zinegotzia, Igor Gonzalez, Dbuseko zuzendari gerentea, eta azken urteotako teknikari batzuk atzo, LondresenDbus Dbusek atzo jaso zuen Londresen munduko txartel sistema onenaren garraio operadorearen saria, Transport Ticketing Awards ekitaldian. Donostiako konpainiak aitortza hori jaso du egunean 200.000 bidaiari baino gutxiago dituzten operadoreen artean. Sari banaketan, Donostiako ordezkaritza bat izan zen, bertan egon direlarik Olatz Yarza Mugikortasun eta Garraio zinegotzia, Igor Gonzalez Dbuseko zuzendari nagusia eta, azken urteotan, Dbusen berrikuntza teknologikoak garatu dituzten teknikariak.
Dbus bere kategorian mundu osoko sei garraio enpresekin lehiatu zen: Zipre, Filipinak, Australia, Britainia Handia, Gales eta Txekiar Errepublikako enpresekin, besteak beste.
Teknologiaren abantailak
Sari honek erakusten du garraio publikoaren berrikuntzak ezinbestekoak direla jasangarritasuna eta efizientzia hobetzeko. Epaimahaiak hainbat neurri baloratu zituen, hala nola, QR kodea bidezko ordainketa, Mugi, Bat eta Barik txartelen erabilera, kontakturik gabeko banku txartelak eta gailu digitalekin ordaintzeko aukera.
Gainera, sariak Donostiako garraio publikoaren arrakasta berresten du. Izan ere, autobus erabilera handienetakoa duen Europako hirietako bat da Donostia, eta zerbitzuaren kalitatea, puntualtasuna eta abiadura komertziala maila altuetan mantentzen du. Garraio garbien aldeko apustua eta txartel sistemaren etengabeko hobekuntzak ere funtsezko faktoreak izan dira sari hau eskuratzeko.
