Hainbat auzotako zenbait errepide asfaltatzeari ekin dio udalak
Datozen 36 asteetan, 60 kaletako errepideetan egingo dituzte konponketak.
Hainbat kaletako errepideak hobetuko dituzte datozen asteetan. Donostiako Udala 
Asfaltatzeko eta galtzada konpontzeko udal kanpaina berri bati ekin dio gaur udalak. 36 astez luzatu da, hainbat auzotako 60 kaletan Donostia 2024 ABEEk gauzatuko dituen lanak. 801.881,62 euroko kostua izango dute, 2023ko udal-aurrekontuaren kargura.
Hiri Mantenu zinegotzi Carlos Garciak azaldu duenez, Altza auzoko Casares pasealekutik hasi dituzte asfaltatze lanak, eta asmo dute, bihar, etzi eta ostegunean Berra bidean, Larrandi kalean eta Txirrita Bertsolari pasealekuan jarraitzea, astea Txapiñene kalean amaituz. Betiere, eguraldi baldintzen eta obren eremuko autoen joan-etorriaren arabera aurrera eramango dituzte obrak.
Zenbait kasutan, galtzada zati osoak asfaltatuko dituzte, gutxienez, etxadi bateko luzerakoak (90 metro lineal), lehendik dagoen zoladura fresatuz eta erroldadura geruza berri bat zabalduz edota errodadura geruzaren gainean berri bat jarrita. Galtzadako zoladura epe laburrean berritu beharko duten kaleetan, berriz, zoladurako zuloak konponduko dituzte.
Honako kaleen errepideak hobetuko dituzte: Aieten, Aiete eta Oriamendi; Altzan, Bertsolari Txirrita, Txapiñene, Berra bidea, Casares eta Larreandi; Amara Berrin, Antso Jakituna, Amezketarrak eta Parke; Antiguan, Zumalakarregi, Xabier Lizardi eta Jauregi; Añorgan, Amassorrain; Bentaberrin, Karmelo Etxegarai, Antonio Gaztañeta, Jose Goikoa eta Zarautz; Beraberan, Mendialai; Berion, Berio kalea; Bidebietan, Serapio Mujika, Joan XXIII, Guardaplata, Pasai San Pedro eta Jualianaene; Egian, Mandasko Dukea, Tolaregoia, Iruresoro, Ametzagaina eta Deba ibaia; Erdialdean, Hernani, Miramar eta Okendo; Grosen, Galtzada Nagusia, Jose Maria Soroa, Claudio Delgado, Zabaleta, Jose Arana, Errenteria, Pasaia, Tomas Gros, San Blas, Rodil, Ategorrietako Galtzada Zaharra eta Euskadi plaza; Igaran, Igara eta Portuetxe; Loiolan, Iza eta Ariztigaina; Martutenen, Ubarburu; Miramonen, Miramon eta Begiristain Doktorea; Morlansen, Antonio Maria Labaien; Puio-Errondon, Errondogaina, Borroto eta Azkaratene; eta Zubietan, Etarte eta Apaor.
