Astebururako plan bila?
'Baninduaien kantatzera' ikuskizuna. 
Kultur eta aisialdi eskaintza zabala egongo da asteburu honetan ere Donostian. Gure agendan kontsultatu dezakezu ekitaldien aukeraketa zabal bat, eta, jarraian, egun bakoitzeko proposamen bat egingo dizugu.
Ostiralean (hilak 14), Baninduaien kantatzera ikuskizunera joatea da gure proposamena. Antuxuna artista zumaiarren ikus-entzunezko emanaldia izango da, euskal kantutegi zaharraren birmoldaketa elektroniko eta guztiz digitala, LED argiak eta proiekzioak uztartzen ditu. Ernest Lluch Kultur Etxean izango da, 19:00etan, doan.
Larunbatean (hilak 15), Buala euskarazko haur antzerkia da gure gomendioa. Txaloka Antzerki Taldearen ikuskizuna da, 4 urtetik gorakoentzat. Gonbidapenak emanaldia hasi baino ordubete lehenago jaso behar dira Ernest Lluch Kultur Etxean bertan; ikuskizuna 17:00etan hasiko da, Amara Berriko kultur etxean.
Azkenik, igandean (hilak 16), Xavi Daura umoregile katalanak bakarrizketa eskainiko du Egiako Dabadaba aretoan, 13:30ean. Sarrerak aretoaren webgunean daude salgai.
Bonus track: astean zehar ere planen bat egin nahi izanez gero, gure agendan hainbat ekitaldi topatuko dituzue, eta honakoa da gure gomendio berezia: asteartean (hilak 18), 19:00etan, Emakume fusilatuak. Oroimen absentea dokumentala proiektatuko dute San Telmo museoan, Memoriaren basoak erakusketaren harira. Ondoren, Mikel Aizpururekin solasaldian ariko dira. Ia ordubete irauten duen ikus-entzunekoak Juana Mir kazetari fusilatuaren historia du ardatz, eta 1936ko gerrak torturatutako eta fusilatutako beste emakume askoren istorioak dakartza gogora. Aizpuru ikerlaria eta Historia garaikidean doktora da. Proiekzioa elebitan da eta solasaldia euskaraz egingo dute. Sarrera librea da, lekuak bete arte.
