Bertako produktuen azoka berezia egingo dute larunbatean Bulebarrean
Behemendi elkarteak antolatuta, zuzeneko salerosketarako aukera izango da 09:00etatik 14:00etara bitartean.
Bertako produktuen azoka berezia Bulebarrean.Sara Ibarguren 
Behemendi elkarteak antolatuta, bertako produktuen azoka berezia egingo dute larunbatean, Bulebarrean, 09:00etatik 14:00etara bitartean. Bertan jarritako postuetan, produktu freskoak ekoizleei zuzenean erosteaz gain, haiei buruz galdetzeko aukera ere izango dute bertaratzen direnek.
Besteak beste, honako produktuak izango dira salgai: behi eta ardi gazta, barazkiak, babarrunak, intxaurrak, eztia eta haren deribatua, ogi eta gozo ekologikoak, ahate produktuak, lore eta landareak, ukenduak, euskal gozogintza eta baserriko ogia. Zuzeneko salmentaz gain, ekoizleekin beraiekin hitz egiteko
