Igandeko Udaberriko Lasterketak aldaketak eragingo ditu zirkulazioan
Iazko Udaberriko Lasterketa, Donostian.Udaberriko Lasterketa Datorren igandean, martxoaren 16an, Donostian 21. Udaberriko Lasterketa egingo dute. Atletismo proba herrikoia da, urtero martxoan ospatzen dena. Donostiarrak klubak eta EHUk antolatzen dute, eta korrikalarientzako aukera paregabea da.
Lasterketaren eraginez, 9:30etik 12:00etara hainbat kale itxita egongo dira. Aurten, bi proba antolatu dituzte. Lehenengoa, 5 kilometrokoa, 09:50ean hasiko da, eta bigarrena, 10 kilometrokoa, 1o:00etan. Aurreikuspenaren arabera, azken lasterketa 11:15 inguruan amaituko da. Irteera eta helmuga Donostiako EHUren campusean izango dira, Ibaetan, Elhuyar plazan (Manuel Lardizabal eta Europa plazaren artean) eta ibilbideak Donostiako leku esanguratsuak zeharkatuko ditu. Parte hartzaileak profesional zein amateur mailetan lehiatuko dira.
Erabiltzaileentzako gomendioak
Hori dela eta, Dbus, Ekialdebus eta Lurraldebus zerbitzuetan ibilbide eta geltoki aldaketak izango dira. Erabiltzaileei gomendatzen zaie aurrez informazioa bilatzea eta ohiko ordutegiak eta ibilbideak egiaztatzea.
