Literatura
Poesialdian izango dira Elvira Sastre, Luis Garcia Montero eta Formol Laborategia, besteak beste
'Mattalingo alaba' ikuskizunaren lan taldea.Donostia Kultura 
Martxoaren 17tik 22ra bitarte egingo dute zazpigarren Poesialdia, Donostiako poesiaren astea. Hain zuzen ere, poesiaren inguruko ikuskizunak, errezitalak eta solasaldiak antolatu dituzte Ernest Lluch Kultur Etxean, San Telmo museoan eta Liburutegi Nagusian.
Hainbat idazle eta artista ezagunek parte hartuko dute Poesialdian: Elvira Sastre, Luis Garcia Montero, Formol Laborategia, Jara Calvo, Tfarrah Mohamed Yesslem, Mikel Etxaburu eta Itziar Lamuedra Calo.
Programazioa
- Martxoak 17: Lo que la poesía aún no ha escrito, Elvira Sastre. Elkarrizketatzailea: Itziar Minguez. San Telmo museoan, 19:00etan.
- Martxoak 18: Heriotzak Eduardo izena du, Formol Laborategia. Susa argitaletxearen Munduko Poesia Kaierak bildumaren 10. urteurrena. Ernest Lluch Kultur Etxean, 19:00etan.
- Martxoak 19: Dejar atrás la casa en llamas, Jara Calvo, Tfarrah Mohamed Yesslem eta Rove Rivera. Ernest Lluch Kultur Etxean, 19:00etan.
- Martxoak 21: VIII. Donostia Kultura Poesia Lehiaketa: sari banaketa. Liburutegi Nagusian, 11:00etan.
- Martxoak 21: Manttalingo alaba, Mikel Etxaburu, Nerea Zuloaga, Irina Alvarez eta Jon Gardoki. Ernest Lluch Kultur Etxean, 20:00etan.
- Martxoak 22: Almudena, Luis García Montero. Elkarrizketatzailea: Castillo Suarez. Ernest Lluch Kultur Etxean, 19:00etan.
Martxoaren 17ko eta 22ko jardueretarako gonbidapenak ekitaldiaren egunean bertan, 11:30etik aurrera, jaso ahal izango dira donostiakultura.eus webgunean, Viktoria Eugeniako leihatilan eta Ernest Lluch Kultur Etxean. Bi gonbidapen gehienez pertsona bakoitzeko.
