Guztiontzako Egiak Blas de Otero plaza hartuko du berriz, munduko jolasekin
Ostegun honetan, hilak 3, Guztiontzako Egiak “munduko jolasak” antolatu ditu Blas de Otero plazan, 18:00etan. Taldearen helburua, egitasmo honen bidez, kale egoeran dauden magrebtarrak eta auzoko beste bizilagunak elkarren ondoan jartzea da, “elkar ezagutza sustatuz eta begietara begiratuz”. Honela, azken aldian auzoan “gora doazen” diskurtso “arrazista eta deshumanizatzaileei” aurre egin nahi diete, enpatiaren bidez, elkarlaguntza eta antolakuntzarako deia eginez.
Iaz aurkeztu zen taldea Egian, “segurtasunaren, polizia indarkeriaren eta arrazakeriaren gorakadarekin kezkatuta”, eta Blas de Otero plazan hainbat jarduera egin dituzte kale egoeran dauden migratzaileen egoera ikustarazteko helburuarekin.
Kolektiboaren ustez, arrazakeria gora egiten ari da, eta “kolektibo zehatz batzuen inguruan estigma ugari zabaltzen ari dira”. Horri aurre egiteko antolatu zituzten Munduko Jolasak, arrazakeriaren aurren “elkar ezagutza falta dagoela” sinistuta. Kale egoeran dauden migranteek, eta auzoan bizi diren jatorri ezberdinetako auzokideek, jolasen bidez une atsegin bat igarotzeaz gain, erakutsi zuten beharrezkoa dela “alarmismoaren” aurrean erakustea, azken finean, “denok garela bizilagunak, eta elkarbizitza eta elkarlaguntza sustatu” behar direla.
