Arantxa Etxebarriaren 'Cada dia nace un listo' filma grabatzen ari dira Donostian
'Cada dia nace un listo' filmaren grabaketa, Anoetan. 
Arantxa Etxebarria zinemagile bilbotarra Cada dia nace un listo filma grabatzen ari da Donostian. Etxebarriak Anoetan EITBri egin dizkion adierazpenetan azaldu duenez, “komedia satiriko bat” da, eta gizarteari buruzko keinu egiten dio ikusleari: “Pertsona boteretsuak eta ez-boteretsuak daude, baina azkenean, denok helburu bera dugu, dirua lortzea; diru erraza, batez ere”.
Zuzendariaren helburua da jendea konturatzea “gizartea denok egiten dugula, ez soilik boteretsuek”. “Adibidea AEBetan dago. Munduko aberatsenei gure bizitzetako politika eramateko aukera ematen ari gara, eta hori akatsa da”, adierazi du Etxebarriak.
Belen Rueda, Hugo Silva eta Susi Sanchez aktoreak dira protagonistak, eta lan eginez aberastea zein zaila den erakusten du filmak.
Hona hemen sinopsia:
Toni Lomasek talent show arrakastatsu batean parte hartu zuenean lortu zuen ospea. Orain, ordea, miserian bizi da. Bere egoera aldatu egingo da Malenak, iraganeko maitasun batek, Juniorrekin, enpresari aberats baten semearekin, harremanetan jartzen duenean, familiaren etxeko koadro baliotsu bat lapurtu dezan. Kolpea burutzeko, Tonik bi aliatu bilatuko ditu: Mari eta Gallego, bakoitzak bere interesak bilatzen dituen taldea osatuz.
