Astebururako plan bila?
'Gizon gosetuak' obra.Donostia Kultura 
Astebururako plan bila bazabiltza, aukerarik ez zaizu faltatuko Donostian. Gure agendan ekitaldi aukeraketa zabala aurkituko duzu, eta, jarraian, egun bakoitzeko proposamen bat egingo dizugu.
Ostiralean (hilak 4), 22. Giza Eskubideen Zinemaldia hasiko da eta, hilaren 11ra bitarte, askotariko filmak ikusi ahal izango dira; hemen daukazue egitarau osoa. Ostiralean, Tratado de invisibilidad (Luciana Kaplan, 2024) eta Faisaien irla (Asier Urbieta, 2025) filmak proiektatuko dituzte Viktoria Eugenia antzokian, 16:30ean eta 20:00etan hurrenez hurren.
Larunbatean (hilak 5), euskal antzerkiaz disfrutatzeko aukera egongo da Lugaritz Kultur Etxean. Hain zuzen ere, Sustrai Teatroak Gizon gosetuak obra taularatuko du, 19:30ean. Sarrerak Donostia Kulturaren webgunean daude salgai, 10 euroan.
Azkenik, igandean (hilak 6), Kontxako barandako ballet erakustaldia egingo dute, 27. aldiz, 16:00etatik 18:25era.
Bonus track: astelehenerako (hilak 7) plan bat ere proposatuko dizuegu: Emakumeak eta kirola mahai ingurua antolatu du IRUTXULOKO HITZAk udaletxeko udal batzar aretoan, 18:00etan. Esther Arrojeria Bera Bera eskubaloi taldeko jokalaria, Miriam Arrillaga pilotaria, Xubane Uribarrena Donostia Arraun Lagunak-eko arraunlaria eta Garbiñe Etxeberria Realeko kirol zuzendaria izango dira hizlariak, eta Amets Castrejana ikerlariak gidatuko du saioa.
