Ertzaintzaren Antiguako komisariaren «baldintza osasungaitzak» salatu ditu ELAk
Ertzaintzaren komisaria obretan dago.Ertzaintza 
Ertzaintzaren ELAko atal sindikalak Antiguako komisariaren “baldintza osasungaitzak” salatu ditu: “Gaur egun, zentro horretako langileek arropa aldatu behar duten aldageletan, bilerak egin behar dituztenen geletan eta materiala bildu eta entregatu behar duten lekuan obrak egiten ari dira. Bertan, baldintzak osasungaitzak dira, lanak egitean sortutako zarata eta hauts esekia dela eta, eta pertsonen, materialaren eta ibilgailuen joan-etorrien ondorioz lan istripua izateko arrisku oso handia dago”.
Sindikatuaren arabera, “zenbait ertzain Mutualiara joan dira osasun laguntza jasotzeko eskatuz, begietan eta sudur hobietan narriadurak dituztela, eta handik Osakidetzara bidali dituzte, euren patologiek lan baldintzekin zerikusirik ez dutelako aitzakian”. “ELAk mutualitatearen jokabidea arbuiatu nahi du; izan ere, patronalak absentismoari buruz duen diskurtso faltsua partekatzen eta elikatzen duen bitartean, modu aktiboan laguntzen du osasun zerbitzu publikoaren itxaron zerrendak handitzen”, gaineratu dute.
Horregatik guztiagatik, ELAk Eusko Jaurlaritzako Segurtasun Sailari eskatu dio “Ertzaintzarentzat segurtasun eta osasun baldintza egokiak bermatzeko, Antiguako ertzain etxeko plantilla beste zentro batzuetara eraman dezala, lanak amaitu arte”.
