Portuetxeko StepHouse ikasleen egoitza berria irailaren 1ean zabalduko dute
354 ikasle jasotzeko aukera izango du, eta 600 euro eta 1.000 euro artean ordainduko da oheko.
Irailaren 1etik aurrera zabalduko dute Portuetexe kaleko ikasleen egoitza. StepHouse izenarekin, 354 ohe eskainiko ditu hamar hilabeterako edo ikasturte osorako kontratuarekin.
595 euro balioko du komuna eta sukaldea partekatu beharko duten bi lagunen apartamentuak. Eta hortik aurrera, 675, 850, 900 eta 999 prezioetan daude logelak, binakakoak izan edo banakakoak izan. 184 logela izango dira guztira, eta 354 ohe.
Hainbat aukera daude, hala nola estudioak, terrazarekin edo terrazarik gabe, baita 2Dio izenekoak ere, komuna, sukaldea eta egongela partekatzen duten bi logela pribatu dituzten unitateak. Pisuaren altueraren eta beste aldaera batzuen araberako prezioak ere aldatzen dira.
Egoitza horretan ostatu hartzea aukeratzen dutenek Wifia, coworking guneak, igerileku estalia, “chill out terraza”, areto pribatuak, gimnasioa, garbitegia edo zinema aretoa izango dituzte, erabilera komunitarioko beste prestazio batzuen artean, baita “Smart telebista” duten logelak, etxetresna elektrikoak, izarak eta eskuoihalak garbitzea eta aldatzea ere, hilean bi aldiz.
