Gizon bat hil da Nautikoan
Donostiako Nautikoa.Xalba Ramirez 
78 urteko bainulari bat hil da astelehen honetan Klub Nautikotik gertu, Kontxako badiako uretatik erreskatatu ostean, udaleko iturriek jakitera eman dutenez. Gizona ondoezik sentitu zen 16:00ak pasata, Nautikoko pasabideko eskaileretatik gertu itzultzen ari zela.
Presaka, bertan zeuden bi pertsona joan ziren erreskatatzera, egurrezko terrazaraino igo zuten eta osasun zerbitzuei deitu zieten. Udaltzaingoa eta Ertzaintza bertaratu ziren, baita osasun langileak ere, eta suspertzen saiatu arren, ez zuten gizona bizirik ateratzea lortu.
