Bi gizon atxilotu dituzte Donostian, beste gizon bati lapurtzeagatik
Ertzaintzaren furgoneta bat, artxiboko irudi batean.Ertzaintza 
Ertzaintzak 21 eta 19 urteko bi gizon atxilotu ditu gauerdian Donostian, adineko gizon bati indarkeria erabiliz lapurreta egitea leporatuta. Eusko Jaurlaritzako Segurtasun Sailak azaldu duenez, “inguruan zebilen patruila batek bi gazteak atxilotu ditu eta lapurtutako objektuak berreskuratu ditu”.
Lapurreta Egian gertatu zen, “edadeko gizon bat etxeko atariaren ondoan zegoenean, bi gizon hurbildu zaizkio atzetik, eta batek, mataleon teknika erabiliz, lepotik heldu eta lurrean babesgabe uzten zuen bitartean, besteak bere gauzak, besteak beste, telefono mugikorra, diru zorroa, dirua eta autoaren giltza, kendu dizkio. Lapurreta egin ondoren, erasotzaileek biktima askatu eta korrika alde egin dute”, Ertzaintzaren arabera.
Abisua jaso eta gutxira, auzoko Karmengo Ama kalean zegoen uniforme gabeko patruila batek ustezko bi lapurrak identifikatu eta miatu zituzten, adineko gizonaren zenbait objektu aurkituz, Ertzaintzaren arabera. Horrela, biak atxilotu eta komisariara eraman zituzten ertzainek, Donostiako Guardiako Epaitegiaren eskuetan jarri aurretik.
