Jose Manuel Gorospe zendu da, Euskadiko Filmategiko sortzaileetako bat
Jose Manuel Gorospe aktore, ekoizle eta Euskadiko Filmategiko sortzailea, artxiboko irudi batean. 
Jose Manuel Gorospe Meagas aktore eta kultur ekoizle donostiarra zendu da, 81 urterekin, Madrilen. Bizitza osoa antzerkiarekin eta ikus-entzunezkoen munduarekin era batera edo bestera lotuta pasatu zuen Gorospek, eta, besteak beste, Euskadiko Filmategiaren sortzaileetako bat izan zen.
José Manuel Gorospe Euskadiko Filmategiko sortzaileetako bat zendu da. Doluminak senide eta lagunei.
— Euskadiko Filmategia (@filmotecavasca) August 21, 2025
Ha fallecido José Manuel Gorospe, uno de los fundadores de la Filmoteca Vasca.
Nuestro pésame a familiares y amigos.
📷 @juantxoegana pic.twitter.com/z2xk7eeMq6
1943an Donostian jaioa, gazte murgildu zen antzerkian, Conchita Montes konpainiaren eskutik. 1966an egin zuen debuta zineman, Pedro Lazagaren Posición avanzada filmean. Pedro Olearen Días de viejo color filmarekin (1968) lortu zuen ospe gehiago, eta beste hainbat lanetan parte hartu zuen hurrengo urte eta hamarkadetan.
Hala ere, kameraren atzean egindako lanarengatik nabarmendu zen, bereziki, Gorospe. Hainbat obra eta erakundetan ekoizpen eta bestelako lanetan aritu zen urte luzez, baita ardura postuetan aritu ere, Euskal Herrian zein Espainian. Horrela, Euskadiko Filmategiaren sortzaileetako bat izan zen 1978an, Peio Aldazabal, Juan Jose Almueda, Jose Luis Basoco eta Nestor Basterretxearekin batera, besteak beste.
