Ategorrietako Galtzada Zaharreko eskolen ingurunea hobetuko du udalak
Ategorrietako Galtzada Zaharra. 
Donostiako Udalak Ategorrietako Galtzada Zaharreko 28. zenbakiko eskola ingurunea eta puntu kritikoa hobetzeko proiektua onartu du, 158.086 euroko aurrekontuarekin eta hiru hilabeteko epearekin.
Esku hartze hauek egingo dituzte: lehendik dagoen espaloia altxatzea, eskola garraioaren aparkalekua izaten jarrai ez dezan; noranzko bakarreko bidegorria Zurriolako hondartzarantz birbideratzea, araututako aparkaleku eremutik pasaraziz; Galtzada Zaharreko trafikoa baretzea, abiadura orduko 20 kilometrora mugatuz eta goragune edo baretze eskailburuak eraikiz; eta argiteria hobetzea.
