Aurtengo Musika Hamabostaldiaren balantze positiboa egin dute
86. Musika Hamabostaldiaren aurkezpena, Tabakaleran.Sara Ibarguren 
86. Musika Hamabostaldiari amaiera emango diote gaur 20:00etan Gewandhausorchester Leipzigen eta Donostiako Orfeoiaren kontzertuarekin.
Guztira, 79 ekimen antolatu dituzte hilabete honetan, horietako 27 doan. Gainera, 32.723 pertsona bertaratu dira guztira. Sarrerren salmenta, berriz, iazkoa baina pixka bat baxuagoa izan da, baina iaz opera eta kontzertu bat gehiago eskaini zutelako izan da.
Aurten ikusleek “erantzun ahulagoa” izan dutela onartu du. Eta, horregatik, “agian errepikakorrak izaten amaitu behar” dutela nabarmendu du.
Hala ere, “zenbakiak ondo joan dira eta pozik gaude”, azpimarratu du Hamabostaldiaren zuzendari Patrick Alfayak. Gainera, tokiko artistek izan duten arrakastarekin oso pozik geratu dela adierazi du.
Bestalde, abuztuaren 4an Comunitat Valenciana-Palau de les Artsek eskaini zuen kontzertuaren eta Anduagaren errezitalaren sarrerak agortu zirela azpimarratu du.
Amaitzeko, hurrengo urterako Filarmonica della Scala de Milán, Mahler Chamber Orchestra eta Ballet de Montecarlo ekitaldiak dagoeneko itxita daudela aurreratu du baita ere.
