Sara Alonso donostiarrak bosgarren postua lortu du Chamonixeko UTMBko OCCan
Sara Alonso donostiarra Chamonixeko UTMBko OCC probaren helmugan.Sara Alonso 
Sara Alonso donostiarrak Mont Blancen egindako Orsieres-Champex-Chamonix OCC karreran bosgarren postua lortu zuen atzo. 58 kilometroko ibilaldi gogorra izan zen, baina 05:50:26 izan da bere denbora.
OCCa Orsieresen (Suitza) hasi zen bi orduko atzerapenarekin, izan ere, eguraldi iragarpenak hotza eta ekaitzak aurreikusten zituen. Azkenean, ez zen hain txarra izan eta kirolariek lasterketa arazo handirik gabe amaitu ahal izan zuten.
Irabazlea Joyline Chepngeno izan da: Afrikatik datorren lehenengo korrikalaria izan da Charmonixen irabazten. Kenyarra hasieratik izan da karrerako lehena, eta lasterketa 05:34:03 denborarekin amaitu du. Momentu batean, Miao Yaok, iazko irabazleak, Chepngeno ia harrapatu zuen, baina, azkenean, bigarren postua lortu du.
Gainera, lasterketan ezustekoa bizi zuten Judith Wyder suitzarrak eta Sara Alonsok, izan ere, trenbide pasagune batean harrapatuta geratu ziren, eta ez zuten barrera altxatzera itxaron beste aldera igarotzeko. Sare sozialetan gertakaria oso eztabaidatua izan arren, antolatzaileek ez diete isunik ipini.
Alonsok iaz laugarren postua lortu zuen, hala ere, duela gutxi, behi batek eraso egin zion. Eta, horregatik, atzo “oso harro, baina suntsituta” amaitu zuela onartu du.
Beraz, sailkapena horrela geratu da:
1- Joyline Chepngeno (Kenya, Salomon) – 5h34’03”
2- Miao Yao (China, Salomon) – 5h35’13”
3- Judit Wyder (Suitza, HOKA/Red Bull) – 5h38’22”
4- Maude Mathys (Suitza, Asics) – 5h45’43”
5- Sara Alonso (Donostia, Asics) – 5h50’26”
