EH Bilduk Zmareri buruzko erabakiak «azkar hartzeko» eskatu dio udalari
Zmare jatetxea, Zurriola hondartzan. 
Martxoan ireki zion Kostaldeko Zuzendaritzak zehapen espedientea udalari, egun Zmarek betetzen duen espazioa kudeatzeko garaian bete beharreko batzuk ez betetzeagatik. Hori eta gero, ZOC enpresa elkartearen aurkako espedientea ireki zuen udalak eta, hala ere, espediente horretan, legez kontrako etekinaren balorazioak 2024ko irailaren 16tik aurtengo urtarrilaren 17ra bitarteko aldiari bakarrik heltzen dio, koalizioak azaldu duenez.
Tokiko Gobernu Batzarrak duela gutxi hartutako erabakiari buruz ari direla adierazi dute: “Guztira, gure ustez, 170.000 euro horiek ez dute irregulartasunen aldi osoa estaltzen, eta baldintza-agirietan ezarritakoa erabat betetzera iritsi behar dute”. EH Bilduren iritziz, eta araudiak hala ezarrita, “konpentsatu beharreko legez kanpoko onurak ez-betetzeak gertatzen ari diren aldi osoa hartu behar du barne”; hauek dira Aste Santua eta udarako aldi osoa, esaterako: “Onartezina dena da etekinak lortzea legez kontra”. Hala, gobernuari “azkartasuna” eskatzen diote erabakiak hartzeko, legez kanpoko etekinik lortzen jarraitu ez dadin.
Interpelazio bat erregistratuta
Kasu hau publiko egin zenetik, EH Bilduk hainbat ekimen aurkeztu ditu EAJ eta PSEren Gobernua estutzen zutenak gaian esku hartzeko. Horregatik, interpelazio bat erregistratu dute hilaren 15ean egingo diren batzordeetan eztabaidatzeko.
Horien artean, galdera hauek planteatu dituzte, besteak beste: “Zergatik ez da adostu ZOC enpresak 2025eko urtarrilaren 18tik legez kontra lortutako etekina ere baloratzea?”; “2025eko uztailaren 8ko ebazpenean adierazitako pleguen 8 ez-betetzeetatik, zein egoeratan dago horietako bakoitza?, Gaur egun, legez kanpoko onura lortzen jarraitzen da?”; “Udalak ordaindu al ditu eraikinaren inguratzailea zaharberritzeagatik hitzartutako 300.000 euroak?” eta “Gaur egungo espazioen erabileren banaketa bat al dator Udalak Jarduera Lizentzian baimendutakoarekin?”.
