Asensiok esan du legez egingo duela GuraSOSen aurka, erraustegiko isurketei buruz egindako salaketengatik
Jose Ignacio Asensio, Naturklima foroan. 
Ingurumeneko diputatu eta Gipuzkoako Hondakinen Partzuergoko presidentea den Jose Ignacio Asensiok asteazken honetan iragarri duenez, partzuergoa epaitegietara jotzearen aukera aztertzen ari dela GuraSOS elkarteko bozeramaile Joseba Belaustegi eta Joxe Mari Izetaren aurka, hauek Zubietako erraustegiko isurketei buruz prentsaurrekoan egindako adierazpenengatik. “Jarrera hori estrategia baten parte da, beste batzuek eskaini ez zituzten irtenbide eraginkorrak gutxiesteko helburua duena”, adierazi du Asensiok.
Asensiok uste du GuraSOS berriz ere lurraldeko kudeatzaile politikoei erantzukizunak egozten saiatuko dela. “UCOren txostenek argi utzi zuten Gipuzkoako Ingurumen Konplexuan ez zegoela ez toxikotasunik ezta irregulartasunik ere”, azaldu du partzuergoak. Adierazpenak “faltsuak eta difamazioak” direla salatu dute, eta epaitegietara jo nahi dute horregatik. GuraSOSen jarrera “obsesio eta jazarpen politiko argi baten emaitza” dela irizten dute.
