Hurrengo eklipseen erronkak eta aukerak izango dituzte hizpide
Aranzadi Zientzia Elkarteko Astronomia Sailak 34. Astronomia Jardunaldiak antolatu ditu. Hilaren 13an eta 14an, Zorroagako egoitzan, Espainiako Astronomia Elkarteen Federazioak (FAAE) eta Donostia International Physics Centerrek (DIPC) parte hartuko dute.
Lehen egunean, datorren astelehenean, Eklipse hirukotea Espainian: erronkak eta aukerak hitzaldiak inauguratuko ditu jardunaldiak. Joaquin Alvaro Contreras astrofisikaria izango da hizlaria, Espainiako Astronomia Elkarteen Federazioko (FAAE) presidentea. Bere hitzaldian, Contrerasek gure lurraldeak 2026tik aurrera biziko duen egoera bereziari helduko dio, hurrengo urteetan hiru eklipse gertatuko baitira. Interes zientifiko handiko fenomenoa da, baina baita soziala ere, eta logistika eta kudeaketa erronka handiak planteatzen ditu, hala nola joan-etorriak, hiri eta landa eremuen okupazioa eta abar. Baina aukera paregabea ere eskaintzen du hezkuntza, dibulgazio eta turismo ekimenak garatzeko.
Hori dela eta, duela bi urte, Eklipsearen Batzorde Nazionala sortu zen, Astronomiako Batzorde Nazionalaren lantaldea, tokiko, probintziako eta estatuko administrazioei gainditu beharreko erronkez ohartarazteko eta sortzen diren aukera guztien euskarri izango diren beharrezko baliabideak sortzeko. Beraz, Batzorde honek egingo dituen zereginak ere aztertuko dira.
Bigarren egunean, hurrengo asteartean, Raul Angulo ikertzaileak Unibertsoaren tamaina hitzaldia aurkeztuko du. Inguratzen gaituen unibertsoa erraldoia, konplexua eta misteriotsua da. Baina,
nola dakigu hori? Hitzaldi honetan, gizateriak kosmosaren magnitudea eta egitura aurkitu dituen formei buruz hitz egingo da, eguzki-sistematik hasi eta unibertsoa ustekabean hedatzen ari dela adierazten duten azken neurrietaraino.
Bi hitzaldiak Aranzadi Zientzia Elkarteak Zorroagan duen egoitzan izango dira 19:00etan. Sarrera librea eta doakoa da.
