Jamie Cullumek Jazzaldian eskainitako kontzertua emango dute ETB1en
Jamie Cullumek jendetza elkartu zuen Zurriolan.Lolo Vasco/Jazzaldia 
Aurtengo Donostiako Jazzaldiaren kolaboratzaile izan da EITB, eta, horregatik, Jamie Cullum abeslariak uztailean jaialdiaren baitan eskaini zuen kontzertua emango dute bihar, larunbata (hilak 18) ETB1en, 00:45ean. Gainera, jaialdiko kontzertu bilduma osoa, 14 dira guztira, PRIMERAN plataforman daude ikusgai.
Kontzertu horiek dira: Jamie Cullum eta The War and Treaty (Zurriolan); Baskolombian eta Marco Mezquida eta Iñaki Salvador (Chillida Leku); Piano Forte eta Minyo Crusaders (Frigo gunea); Pete Roth Trío Bill Brufordekin eta Naissam Jalal Landscapes of Eternity (FNAC gunea) eta Trinitate plazakoak —Steve Coleman & Five Elements eta Kurt Elling & The Yellowjackets; Marc Ribot: Hurry Red Telephone eta Dee Dee Bridgewater; Kismet: Dave Holland & Chris Potter Quartet, eta, azkenik, Chicuelo eta Marco Mezquida, elkarrekin—.
