Espainiako Berrikuntza Publikoaren Kongresua Donostian egingo dute 2026an
Donostia Berrikuntza Publikoaren Espainiako Kongresuaren egoitza izango dela iragarri zuten unea, Bartzelonan. Ezkerretik bigarrena, Iñigo Olaizola Donostia Sustapeneko zuzendari gerentea.Donostia Sustapena 
Bartzelonan egin berri dute Espainiako Berrikuntza Publikoaren Kongresu Nazionala, eta, bertan, Donostia izendatu dute ekitaldi horren 2026ko egoitza gisa. Estatuan berrikuntzaren arloan egiten den “topaketarik garrantzitsuena” da kongresu hori, Donostia Sustapena erakundearen hitzetan, eta izendapena goraipatu du: “Kursaalak berean hartuko du Biltzarraren XIII. edizioa, 2026ko urriaren 29an eta 30ean. Biltzarra lehen aldiz etorriko da Euskadira, eta aukera paregabea izango da hiria erreferente gisa kokatzeko lankidetza eremu publiko-pribatuen sorreraren esparruan”.
Kongresua Donostian egiteak “hiriak berrikuntza publikoaren arloan egiten duen lanari balioa ematea ahalbidetuko du”, Donostia Sustapenaren arabera: Arlo horretan, Donostiako Sustapenak funtsezko eginkizuna betetzen du I+G+b-ko tokiko ekosistemaren bideratzaile eta konektore gisa, proiektu berritzaileak bultzatuz eta sustatuz. Biltzarrari esker, Donostia erreferentziazko erakusleiho bihurtuko da. Era berean, aukera emango du tokian-tokian sustatzen diren jarduerak ikusarazteko eta Donostiaren marka indartzeko, esperimentaziora eta berrikuntzara irekita dagoen gune gisa”.
