Gau Beltza

Gau Beltzak Donostiako auzo ugari hartu ditu

Altzan, Antiguan, Loiolako Erriberan, Parte Zaharrean... Donostiako auzo askotan ospatu dute Gau Beltza, giro ederrean. Mamuak, armiarmak, sorginak, hildakoak eta beste hamaika pertsonaiek auzoetako kaleak zeharkatu dituzte.

Beñat Parra @ParraBenat

2025/11/01

Gau Beltza ospatu dute aurten ere Donostiako auzo gehienetan, jai giro ederrean, Santu Guztien Egunaren bezperan. Beldurraren, heriotzaren, arimen, mamuen eta hamaika motatako munstro eta izaki mitologikoen inguruan, auzo eta herri ugaritako kaleak zeharkatu dituzte hamarnaka haur eta gaztek, baita heldu ugarik ere.

Dantza ikuskizunak, antzerkiak, pintxo dastaketak eta sustoz beteriko ibilaldi beldurgarriak izan dira nagusi, asteburua jai giroan hasteko. Gero eta errotuagoa dago Gau Beltza Euskal Herriko hamaika txokotan, baita Donostiako auzo askotan ere, urtez urte gero eta argiago gelditzen denez.

Jarraian, Altzako, Groseko, Aieteko, Añorgako, Antiguako, Parte Zaharreko, Ibaetako eta Martuteneko Gau Beltzetako irudiekin osatutako bideoa ikus dezakezue, eta, behean, hainbat auzotako irudi bildumak aurkituko dituzue.