Titus Kiprotichek eta Celestine Jepkosgeiek irabazi dute 69. Donostiako Nazioarteko Krosa
Kiprotich eta Jepkosgei, 69. Donostiako Nazioarteko Krosa irabazi berritan.Donostia Kirola 
Titus Kiprotich eta Celestine Jepkosgei keniatarrak gailendu dira asteburu honetako Donostiako Krosean, 19:23ko eta 23:08ko denborarekin, hurrenez hurren. Hipodromoan egin zuten lasterketa, ohi bezala.
Gizonezkoetan, Martin Kiprotich ugandarra zen faborito aurreikuspenen arabera, baina keniatarra aurreratu zitzaion, bigarren urtez jarraian bigarren postuan geratuta. Titus Kiprotich, ordea, azken metroetako azelerazio batek eraman zuen garaipenera. Emakumeen kasuan, berriz, Jepkosgeiek ez zuen hutsik egin, Marta Serrano atzean utzita; izan ere, lasterketaren lehen hamabost minutuetan hartu zuen distantzia, eta hortik aurrera, bakarrik jarraitu zuen korrika.
Honela gelditu da sailkapena, orduan:
Gizonezkoen txanda:
- Titus Kiprotich – 19:23
- Martin Kiprotich – +4 seg.
- Naibei Kiplimo – +15 seg.
Emakumezkoen txanda:
- Celestine Jepkosgei – 23:08
- Marta Serrano – +7 seg.
- Lucía Rodríguez – +17 seg.
