Mugikor lapurtu baten seinaleak Martuteneko droga biltegi batera eraman du Udaltzaingoa
Udaltzaingoaren Morlansko egoitza. 
Donostiako Udaltzaingoak bi pertsona atxilotu ditu bart gauean Martutenen, antza denez, kilo bat baino gehiago droga gordetzen zuten bertan. Lapurtutako mugikor baten seinaleak eraman zituen horra.
Polizia txostenaren arabera, herritar batek udaltzaingoa ohartarazi zuen lapurtu zioten telefono mugikor batek seinalea ematen zuela ingurune horretan. Gailuaren geolokalizazio seinalearen bidez, agenteak institutuko eraikinaren albo batean zegoen baso inguru batera iritsi ziren; hainbat pertsona aurkitu zituzten han, eta iritsi bezain pronto, bi gizon ihes egiteko asmoz topatu zituzten.
Pertsekuzio labur baten ondoren, agenteek inguruko kobazulo txiki batean harrapatu zituzten gizonak, eta haietako batek zeraman poltsa aztertzean, barruan hainbat haxix zati aurkitu zituzten —guztira, kilo bat baino gehiago—, kokaina zorrotxo batzuk eta substantzia horiek neurtzeko eta ontziratzeko tresnak.
Gainera, euren gauzen artean 700 euro baino gehiago zituzten eskudirutan, baita lapurtutako mugikorra ere.
