merkataritza
'Superzozketa!', 8.000 euro banatuko dituen Gabonetako kanpaina
Donostiako saltoki bateko barrualdea.Malen Aldalur 
Donostia Shopsek, Eusko Jaurlaritzako Merkataritza Zuzendaritzaren babesarekin, “Superzozketa!” kanpaina jarri du martxan Gabonetarako. Ekimenak 8.000 euro banatuko ditu erosketa-txarteletan, tokiko merkataritzan kontsumoa sustatzeko.
Hautatutako saltokietan egindako edozein erosketak parte hartzeko aukera emango du, gutxieneko zenbatekorik gabe. Guztira 11 sari izango dira: 1.000 euroko bost txartel eta 500 euroko sei, parte hartzen duten establezimenduetan erabiltzeko.
Zozketa hilaren 22an egingo da, eta irabazleek hilaren 30era arte trukatu ahal izango dituzte txartelak.
