Tabakalerak ‘Erresonantzia’ instalazioa inauguratu du bere 10. urteurrena ospatzeko
'Erresonantzia' instalazioa, Tabakaleran.Tabakalera 
Tabakalerak Erresonantzia instalazio berria aurkeztu du hamargarren urteurrenaren ospakizunen harira. Gheada kolektiboak sortutako lanak Prisma espazioa “zentzumen esperientzia eraldatzaile” bihurtu du, argia, soinua, mugimendua eta ehun elementuak uztartuz. Instalazioa 2026ko urtarrilaren 11ra arte egongo da zabalik, zentroaren ohiko ordutegian.
Obrak sei metroko diametroko egitura zirkular baten inguruan hartzen du forma; bertatik zintzilik oihal handi bat dago, inprimatutako mezu poetikoz osatua. Testu horiek argiaren intentsitatearen arabera agertzen edo ezkutatzen dira, espazioaren irakurketa etengabe aldatuz. Soinuari dagokionez, oihaleko mezuak errezitatzen dituzten ahotsak biltzen ditu instalazioak.
