Ander Cepasek jaso du aurtengo lehen Bidelagun beka
Ander Cepasek jaso du aurtengo lehen Bidelagun beka.Donostiako Udala 
Rural Kutxako Gizarte Ekintzak eta Donostia Kirolako ordezkariek gaur banatu dute 2026ko Bidelagun beketako lehena. Laguntza hauek kirol egokituko modalitate desberdinetako kirolari donostiarrei ematen zaizkie, “oztopo ekonomiko eta sozialak murrizteko” eta “kirolean inklusioa zein aukera berdintasuna sustatzeko” helburuarekin.
Lehen beka Ander Cepas mahai-teniseko kirolari paralinpikoak jaso du, eta datorren astean banatuko dituzte gainerako laguntzak. Onuradunen artean daude Iñigo Llopis eta Nahia Zudaire igerilari paralinpikoak, Fernando Mitxelena tiratzaile paralinpikoa eta Olaia Martinez Donostiako Atletikoko mahai-tenis jokalaria.
