Ping – "Guifi.net: auzosare libre, ireki eta neutrala" hedatzeko proiektu irekia
Hitzaldian, Guifi.net sarearen eta Ping, sarea hedatzen laguntzeko proiektu irekiaren aurkezpena egingo dituzte. Horretarako, sarean parte hartzen duten bertako pertsonez gain, Kataluniako Guifi.net fundazioko kideak ere egongo dira.
Guifi.net telekomunikazio sare aske, ireki eta neutrala da. Orokorrean haririk gabeko sarea da, 32.900 nodo baino gehiago dituena, gehienak Katalan Herrietan kokatzen direlarik. Gaur egun, munduko sare aske handiena da eta Euskal Herrian ere zabaltzen hasi dira.
