Nahas ditzagun hainbat osagai: hasteko, egun oskarbi bateko lehen orduetako eguzki argia, itzalak luzatu, koloreak epeldu eta ehundurak indartu ditzan; jarraian, udazken hasierako koloreak, marroi eta berdeen arteko kontrastearekin argazkiaren oinarria sortzeko; ondoren, zabal ditzagun hainbat manex ardi burubeltz, artilearen zuritasunarekin udazken koloreen gainean arreta eureganatu dezaten (eta artaldearen marka urdina bada, paisaiaren tonu epelekin kontrastean, are hobeto); amaitzeko, jar ditzagun osagai guztiak Eltzarreko Ordokian, Baxe Nafarroa eta Zuberoa arteko mugan. Eta honatx emaitza.
